Бүгін, 22-сәуірде, Қазақстан Республикасының Президентіне қарасты Инвестициялар бойынша ұлттық агенттіктің басшысы Равшанбек Сабиров Gansu Feitian International Trading Company компаниясының өкілдерімен кездесті.
Кездесудің барысында тараптар инвестициялық жобаларды іске асыру бағытындағы екіжақты ынтымақтастықтың болашағын талқылады. Сондай-ақ Қазақстан Республикасы мен Қытай Халық Республикасы арасында өзара сенімге, көршілікке және өзара пайдаға негізделген серіктестікті нығайтуға ерекше көңіл бөлінді.
Іс-шараға мемлекеттік органдардың өкілдері де қатысып, елдің инвестициялық потенциалын таныстырып, экономиканың әртүрлі салаларындағы ынтымақтастық мүмкіндіктерін қарастырды. Атап айтқанда, тау-кен өнеркәсібі, транспорттық және қалалық инфрақұрылым, энергетика, су ресурстары, сондай-ақ өнеркәсіп және логистика бағытындағы жобалар талқыланды.
«Қазақстан Республикасы халықаралық инвесторлар үшін ашық және инвестициялық мүмкіндіктердің кең спектрін ұсынады. Біз бизнес жүргізу үшін тұрақты және ашық-айқын шарттарды жасап, жобаларды барлық кезеңдерінде қолдап келеміз»
— Равшанбек Сабиров
Тараптар мемлекеттік-жеке серіктестік механизмдерін, инвестициялық преференцияларды, еркін экономикалық аймақтарды, сондай-ақ өңірлердегі қосымша мүмкіндіктерді де талқылады.
Кездесудің нәтижесінде тараптар ынтымақтастықты одан әрі дамытуға, бірлескен жобаларды іске асыруға және экономиканың басымдықты салаларына инвестиция тартуға қызығушылық танытатындықтарын білдірді.