Bishkekda 16-17 oktabr kunlari davlat-xususiy sheriklik bo'yicha 3-xalqaro konferensiya o'tkazilmoqda.
Tadbir davlat-xususiy sheriklikning dolzarb muammolari va Qirg'iziston hamda Markaziy Osiyo mintaqasidagi rivojlanish istiqbollarini muhokama qilishga bag'ishlangan.
Bosh vazir o'rinbosari Adilbek Qasymaliyev tadbirni ochib, davlat-xususiy sheriklik mexanizmi davlat va xususiy sektor o'rtasidagi hamkorlik orqali iqtisodiy rivojlanishning eng yaxshi vositalaridan biri sifatida tan olinganini ta'kidladi.
Milliy investitsiyalar agentligi direktori Talantbek Imankulovning ma'lum qilishicha, davlat-xususiy sheriklik markazining investitsiya portfelida bugungi kunda umumiy investitsiya miqdori $1 milliarddan oshadigan 80 ta loyiha mavjud.
Eslatib o'tamiz, davlat-xususiy sheriklik konferensiyasi Qirg'iziston Respublikasi davlat-xususiy sheriklik markazining tashkil etilganining 5 yilligi doirasida o'tkazildi.
Panel sessiyalari davomida ishtirokchilar raqamlashtirish va innovatsiyalar, ekologik barqarorlik, davlat-xususiy sheriklikning ijtimoiy muammolarni hal qilishdagi roli, barqaror rivojlanish maqsadlariga erishish va boshqalar kabi hamkorlik yo'nalishlarini muhokama qilmoqda.