O'zbekiston Respublikasi Prezidenti huzuridagi Investitsiyalar bo'yicha milliy agentlik rahbarining o'rinbosari Damirbek Bikulov Ozarbayjonning GEO TOTAL kompaniyasi vakillari bilan uchrashdi. Uchrashuvga tegishli vazirliklar va davlat organlarining vakillari ham ishtirok etdi.
Tadbir davomida kompaniya tomonidan transport va shahar infratuzilmasi obyektlarini loyihalash, qurish va monitoring qilishda qo'llaniladigan geodeziya, geomatik tizimlar (GIS), raqamli kartografiya, lazer skanerlash (LiDAR), uchuvchisiz texnologiyalar va sun'iy intellekt sohasidagi zamonaviy muhandislik va raqamli yechimlar taklif etildi.
Ishtirokchilarga muhandislik tadqiqotlarini o'tkazishda, hududlarning raqamli modellarini yaratishda, yer resurslarini boshqarishda, raqamli kadastrni o'tkazishda va infratuzilma obyektlariga monitoring o'tkazishda raqamli texnologiyalarni qo'llash imkoniyatlari ko'rsatildi.
Uchrashuv natijasida tomonlar hamkorlikni yanada rivojlantirishga, tajriba almashishga va O'zbekiston Respublikasining infratuzilma loyihalariga zamonaviy raqamli yechimlarni kiritish bo'yicha birgalikdagi tashabbuslarni amalga oshirishga qiziqish bildirishdi.