Кыргыз Республикасынын Президентине караштуу Инвестициялар боюнча улуттук агенттиктин башчысы Равшанбек Сабиров жыл жыйынтыгын чыгарып, сыйлыктарды тапшырды

Кыргыз Республикасынын Президентине караштуу Инвестициялар боюнча улуттук агенттиктин башчысы Равшанбек Сабиров агенттиктин 2025-жылдын жыйынтыгы боюнча жыйын өткөрдү. Жыйындын алкагында Улуттук агенттиктин ишмердүүлүгүнүн негизги жыйынтыктары каралып, инвестициялык ишмердүүлүктү өнүктүрүүгө жана артыкчылыктуу демилгелерди ишке ашырууга кошкон салымы үчүн өнөктөштөргө жана агенттиктин кызматкерлерине «Кыргыз Республикасынын инвестиция чөйрөсүнүн отличниги» төш белгилери, Ардак грамоталар жана ыраазычылык каттары тапшырылды. Равшанбек Сабиров жыйындын катышуучуларын келе жаткан Жаңы жыл менен куттуктап, мындан аркы ийгиликтерди жана коюлган милдеттерди ырааттуу ишке ашырууну каалады. Кыргыз Республикасынын Президентине караштуу Инвестициялар боюнча улуттук агенттик өлкөнүн инвестициялык өнүгүүсүнүн кызыкчылыгында инвестициялык климатты жакшыртуу боюнча системалуу ишин улантат.