Қирғизистон ва Узбекистон озод иқтисодий ва саноат зоналари йўналишида ҳамкорликни мустаҳкамламоқда
Қирғизистон Республикаси Президентига қарашли Инвестициялар бўйича миллий агентлик раҳбари Равшанбек Сабиров ва Тошкент шаҳрининг Саноат зоналарини бошқариш дирекцияси директори Икромжон Усмонов ҳамкорлик ҳақидаги меморандумга имзо қўйдилар.
Ҳужжат озод иқтисодий ва саноат зоналарини тузиш ва бошқариш соҳасида шерикликни ривожлантириш, тажриба ва яхши амалиётларни алмашиш, шунингдек, инвестицияларни жалб қилиш бўйича биргаликдаги ишни олиб боришга қаратилган.
Тарафлар биргаликдаги инвестиция лойиҳаларини амалга оширишга, саноат кооперациясини ривожлантиришга, инвестиция имкониятлари ва давлат кўмак чоралари бўйича маълумот алмашишга, шунингдек, бизнес-форумлар, ишбилармонлик миссиялари ва бошқа биргаликдаги тадбирларни ташкил этиш ва ўтказишга келишиб олдилар.
Ҳамкорлик доирасида Қирғизистон ва Узбекистоннинг озод иқтисодий зоналари, саноат корхоналари ва инвесторлари ўртасида тўғридан-тўғри алоқаларни ривожлантиришга алоҳида эътибор қаратилади.