2025-жылдын 29-сентябрында Кыргыз Республикасынын Президентине караштуу  инвестициялар боюнча улуттук агенттиктин директору Сабиров Равшанбек Азатович №69 мектеп-гимназиясында мамлекеттик-жеке өнөктөштүк (МЖӨ) долбоорунун «Триатлон борбору» долбоорунун жүрүшү менен таанышты.

Долбоор бассейнди калыбына келтирүүгө жана балдардын, жаштардын жана ден соолугунун мүмкүнчүлүгү чектелген жарандардын спорт менен машыгуусуна шарт түзүү максатын көздөйт. Мектеп окуучулары, мугалимдер жана таланттуу жаштар үчүн акысыз же арзандатуу мүмкүнчүлүгү каралган. Жеке өнөктөш тарабынан спорт залы, велостудия, чуркоо аянтчасы курулуп, спорт зал капиталдык оңдоп-түзөөдөн өткөрүлүп, заманбап жабдуулар орнотулду. Долбоорду МЖӨ борбору демилгелеген. 2023-жылы конкурстук тендердин жыйынтыгында Кыргыз Республикасынын Триатлон федерациясы өнөктөш болгон. Инвестициялардын көлөмү 1 миллион долларды түзүп, келишимдин мөөнөтү 10 жылды түзөт.