2021-ci il oktyabrın 11-də Qırğızıstanın İnvestisiya Nazirliyində Türkiyənin iri "YAPI Merkezi" şirkətinin nümayəndələri ilə görüş keçirilib, görüşdə şirkətin İcraçı Direktoru Aslan Uzun iştirak edib.
Qırğızıstanın İnvestisiya Nazirinin müavini N.M. Bayasov nümayəndə heyətinin üzvlərini salamlayıb və Türkiyənin Qırğızıstan üçün investisiya cəlb edilməsi və ticarət dövriyyəsinin inkişafında əsas tərəfdaş olduğunu vurğulayıb.
"YAPI Merkezi"nin fəaliyyəti ilə bağlı təqdimat zamanı şirkətin nümayəndəsi bildirib ki, 1965-ci ildən fəaliyyət göstərən şirkət dəmir yolu sistemlərinin, müasir binaların və digər ağır qurğuların layihələndirilməsi və inşası sahəsində fəaliyyət göstərir. Həmçinin qeyd olunub ki, şirkət fəaliyyətə başladığı gündən 11 ölkədə 500-dən çox layihə həyata keçirib.
Əvvəllər "YAPI Merkezi" bir sıra investisiya layihələrinə maraq göstərmişdir. Görüşdə Qırğızıstanın İnvestisiya Nazirliyinin PPP Mərkəzinin nümayəndəsi "İdarəetmə şəhəri" layihəsi ilə bağlı məlumat təqdim edib.