Beynəlxalq Özəl Sahibkarlıq Mərkəzinin (CIPE) nümayəndələri Milli Agentliyi ziyarət etdilər.
Görüş zamanı Cənubi və Mərkəzi Asiya üzrə proqram əməkdaşı Zulfikar Xan Mərkəzi Asiya ölkələrində biznes mühitinin yaxşılaşdırılması proqramı (IBECA) haqqında məlumat verdi. Bu proqram, özəl sektor təşəbbüslərini dəstəkləmək, maliyyələşdirməyə və investisiyalara çıxışı artırmaq, ABŞ-ın özəl sektorda investisiyaların təşviqi üçün imkanları müəyyən etmək, regional ekspert və biznes şəbəkələrinin yaradılmasını dəstəkləmək və investisiyaları cəlb etmək üçün beynəlxalq əlaqələri gücləndirmək məqsədini güdür.
Görüş çərçivəsində milli biznes gündəliyi ilə bağlı məsələlər, o cümlədən biznes mühitinin yaxşılaşdırılması, iqtisadi islahatların aparılması və regional iqtisadi inteqrasiyaya nail olmaq üçün zəruri olan maneələr və prioritetlər müzakirə edildi.
Məlumat üçün: CIPE ABŞ Ticarət Palatasına bağlı qeyri-kommersiya təşkilatıdır ki, dünya üzrə demokratiyanın gücləndirilməsi ilə məşğuldur.