Qırğızıstan Respublikasının İnvestisiyalar naziri N.M. Bayasov Türkiyə Respublikasının İzmir şəhərində keçirilən "İZMİR AGROEXPO" kənd təsərrüfatı sərgisində iştirak edib.
Bu il 17-ci dəfə keçirilən sərginin əsas təşkilatçıları "ORION FUARCILIK" şirkətinin prezidenti Fatih Tan və vitse-prezidenti İrmaq Tan ilə ikitərəfli görüş keçirilib.
Görüşdə Qırğızıstan Respublikasının kənd təsərrüfatı sahəsində ixrac potensialı haqqında məlumat verilib və gələcək əməkdaşlıq barədə müzakirələr aparılıb.
Gələn ilki kənd təsərrüfatı sərgisində Qırğız tərəfinə pulsuz yer ayrılması ilə bağlı razılığa gəlinib.
Görüşün sonunda N.M. Bayasov təşkilatçıların müşayiəti ilə sərgini ziyarət edib və türk istehsalçılarını Qırğızıstana dəvət edib. Bunun cavabında "ORION FUARCILIK" şirkətinin vitse-prezidenti yaxın zamanda bir nümayəndə heyəti ilə Qırğızıstana gələcəyini qeyd edib.