Çolpon-Ata şəhərində Şanxay əməkdaşlıq təşkilatına (ŞƏT) üzv dövlətlərin regional rəhbərlərinin V forumu çərçivəsində təşkilata iştirak edən ölkələrin bölgələri, şəhərləri və azad iqtisadi zonaları arasında bir sıra əməkdaşlıq sənədlərinə imza atıldı.
Forumun mühüm nəticələrindən biri olaraq, Qırğız Respublikasının "Naryn" azad iqtisadi zonasının Baş idarəsi ilə Belarus Respublikasının "Brest" azad iqtisadi zonasının administrasiyası arasında əməkdaşlıq haqqında müqaviləyə imza atıldı.
İmzalanan sənəd investisiyaların cəlb edilməsi, birgə müəssisələrin yaradılması, istehsalat kooperasiyasının inkişafı, eləcə də azad iqtisadi zonaların idarə edilməsi üzrə təcrübə mübadiləsi istiqamətində əməkdaşlığı genişləndirməyə yönəldilmişdir.
Tərəflər qeyd olunan müqavilənin investisiya və ticarət-iqtisadi əlaqələri gücləndirəcəyinə, yeni birgə layihələrin həyata keçirilməsinə və qarşılıqlı faydalı uzunmüddətli tərəfdaşlığın inkişafına şərait yaradacağına inamlarını bildirmişlər.