Qırğızıstan Respublikasının Prezidentinə bağlı İnvestisiyalar üzrə Milli Agentlik və bu agentliyə bağlı Dövlət-Özəl Tərəfdaşlıq Mərkəzi Qırğızıstan Respublikasının Energetika Nazirliyi ilə birgə Naryn bölgəsinin Koçkor rayonunun Konorçok kəndində gücü 150 Mvt-a qədər olan gün elektrik stansiyasının inşası üzrə pilot layihəni irəlilətmənin yekun mərhələsinə çıxıblar.
Layihə Beynəlxalq Maliyyə Korporasiyasının texniki dəstəyi ilə həyata keçirilir və ölkədə bərpa olunan enerji mənbələrinin inkişafı çərçivəsində atılan addımlardan biri kimi qiymətləndirilir. "Yaşıl" enerjinin inkişafı Qırğızıstan Respublikasının prioritet istiqamətlərindən biridir.
"Bu layihənin həyata keçirilməsi ölkənin energetika sektoru üçün vacibdir. O, bərpa olunan enerji sektoruna özəl investisiyaların cəlb edilməsinə və dövlət-özəl tərəfdaşlıq mexanizmlərinin daha da inkişaf etdirilməsinə zəmin yaradır", - deyə Qırğızıstan Respublikasının Prezidentinə bağlı İnvestisiyalar üzrə Milli Agentliyin rəhbəri Rəvşanbek Sabirov vurğulayıb.
Onun sözlərinə görə, belə təşəbbüslərin həyata keçirilməsi enerji mənbələrinin diversifikasiyasına və ölkənin investisiya cəlbediciliyinin artırılmasına kömək edir.
Layihənin həyata keçirilməsi elektrik enerjisinin çatışmazlığını yarı-yarıya azaltmağa, həmçinin energetika sahəsində dövlət-özəl tərəfdaşlıq mexanizmlərinin istifadəsi üzrə praktik əsas yaratmağa imkan verir.