Qırğız Respublikasının Prezidenti Sadir Cəparov 10 noyabrda Parisdə keçirilən ilk Qırğız-Fransız biznes forumunda iştirak edib.
Biznes platforması Qırğızıstan və Fransa arasında enerji, turizm, kənd təsərrüfatı və logistika kimi müxtəlif sahələrdə əməkdaşlıq imkanlarını müzakirə etmək üçün təşkil edilib.
Görüşdə 50-dən çox Qırğız və Fransız şirkətlərinin nümayəndələri iştirak ediblər.
Forum iştirakçıları üçün bərpa olunan enerji, aqro-sənaye kompleksi və informasiya texnologiyaları sahəsində təqdimatlar keçirilib.
Tədbirin mühüm tərkib hissəsi Qırğız Respublikasının Prezidenti yanında İnvestisiya üzrə Milli Agentlik ilə Fransanın «Medef İnternational» assosiasiyası arasında, eləcə də NAI-nin PPP Mərkəzi ilə «Axcelcium Sarl» şirkəti arasında əməkdaşlıq haqqında Memorandumların imzalanması olub.
Qırğız Respublikasının Prezidenti Sadir Cəparov Qırğız-Fransız münasibətlərinin inkişafının əhəmiyyətini vurğulayıb və Fransız şirkətlərini Qırğız biznesi ilə fəal əməkdaşlığa dəvət edib.