Qırğızıstan Respublikasının Nazirlər Kabinetinin sədr müavini Bəkit Torobayev və Qırğızıstan Respublikasının Prezidenti yanında Milli İnvestisiya Agentliyinin direktoru Umbrial Temiraliev, Azərbaycanın Respublikasına rəsmi səfər çərçivəsində azərbaycanlı iş adamları ilə görüşüblər.
Görüş zamanı Bəkit Torobayev xarici investorlar üçün perspektivli istiqamətlər, Nazirlər Kabinetinin biznesin inkişafı üçün əlverişli şərait yaratmaq və vergi güzəştləri ilə bağlı gördüyü tədbirlər haqqında məlumat verib.
Qırğızıstan Respublikasının Prezidenti yanında Milli İnvestisiya Agentliyinin direktoru Umbrial Temiraliev Qırğızıstanın investisiya potensialı ilə bağlı mövzu təqdimatı ilə çıxış edib.
Görüş zamanı azərbaycanlı şirkətlər Qırğızıstan Respublikası ilə ticarət və investisiya əməkdaşlığını genişləndirməkdə maraqlı olduqlarını bildiriblər.
Bu istiqamətdə "STS Holding" şirkəti günəş və külək enerjisi sahəsində əməkdaşlıqda maraq göstərib.
Həmçinin, Qırğızıstan bazarına daxil olmaqla bağlı maraq da ifadə edilib.